Sagehafti Heu-Nidlesuppe, gschprützt met Rosenauer Schuumwy "Brut" vo Cheschteneboum am Vierwaudstättersee
S’ Buch Parfüm vom Süskind het mech total beflüglet, so hemmer Sunnebluemeöl parfümiert met Fiige, Limoneblätter, Thymianblätter, Wachholderbeeri, Rottanneholz und -schwarte. Nei, mer hend ned d'Froue drin erwermt, sondern Foräullefilets bi 50 Grad gart. Dezue gits roti, schwarzi, grüni und bruni Linse met ere Holzchohlesenf-Suurrahmsauce.
Rehwürschtli i zarteschter Versuechig met bratenem Läbchueche und Öpfuschiebe, krönt met Suurrahm. Usgarniert met Salatstrüssli und abgschmöckt met Hasunuss-Sauce.
Sou-Filetmedaillons gräucheret met Wagliseibode-Hochmoorturbe, ibettet uf Louch, umringt vo Vanille-Gersotto, met Lagavulin-Whisky-Sauce übergosse
Chrischte Schybis Liibspiis isch Möuchglace und Heidelbeerkompott met gröschtetem Mäu gsi, und met 24 Karat Gold verziert